Archive for the Kuwentong Kaibigan Category

KEYK

Posted in 'Di Malilimutan, Kuwentong Kaibigan with tags , , , , , , on Nobyembre 22, 2011 by batangistik

Black Forest Cake

First time ko magpost ng ganito, sa totoo lang naiinggit lang ako sa isang kaibigan na laging nakaka update ng blog kaya susubukan ko muna mag photoblog (wag nyo ko susumbong ha). Ayaw ko namang gawin to sa major blog ko kasi hindi bagay.

Kaka bortdey lang ni Istik nitong nakaraan. Kaya maswerteng may nakapagbigay sakin ng keyk. Salamat.

Nagbalik tanaw lang ako nung kabataan ko, never pa kasi ako napaghanda ng pamilya ko. Naaalala ko lang nung minsang nag bortdey ako tapos wala kaming panghanda (ay mali) wala pala kaming pang ulam. Ginawa ng Tatay Istik ko kinatay nya yung manok na lagi kong hinahawakan sa umaga.. ayun mangiyak ngiyak ako kasi yun daw yung handa ko.

Kailangan talagang pumatay para may panghanda? haha

Isa yun sa pinaka sad na bortdey ni Istik.

Bestfriend

Posted in Kuwentong Kaibigan with tags , on Nobyembre 14, 2009 by batangistik

bestfriend.tif

Minsan, naitatanong ko sa sarili ko kung ano nga ba ang tunay sukatan ng pagiging magkaibigan? Ito ba’y nasusukat sa tagal ng pagsasamahan? o nasusukat sa kung gaano mo s’ya  kalalim pinagkakatiwalan?

Paano mo ba masasabi kung malatalik mo nang kaibigan ang isang tao? Kapag nagawa mo na ba s’yang murahin? at kapag nagawa mo na s’ya lait-laitin? (puwede).

hmmm.. kapag kaibigan na talaga ang pinag-uusapan minsan natatameme na lang ako, kasi naman parang napakahirap para sa’kin ang makahanap nito, kahit pa nagkalat lang sila dito. Minsan kasi natatakot ako na sa minsang pagkawala nila, mauuwi na naman ako sa  mala-kulangot na kalungkutan.

Di naman ako guwapo di rin naman ako matalino, pero parang ang choosy-choosy ko pagdating  sa kaibigan.. parang yung kasabihan “kapag gusto mo, ayaw sa’yo. yung araw mo yun ang may gusto sa’yo” ang gulo no?

Bakit ko nga ba nakukuwento ‘to? Kasi naman gusto kong maging matapat sa kaibigan ko ukol sa umiikot sa buhay ko, pero natatakot ako na sa oras na malaman n’ya ay siguradong may mababago. Hindi ko nga lang alam kung sa pabor o di pabor ang magiging resulta nito.

Dito ko napatunay na kahit anong close mo sa isang tao ay magagawa mo pa ring maglihim dahil takot kang mawala ito.

Pero, kung kabigan mo naman talaga ang tao, kahit anong baho ang maibulaslas mo ay tatanggapin n’ya ‘to di ba?