Makuha ka sa tingin

Kailan lang nagpunta ako sa MOA, may kinatagpuan ako doon, itago na lang natin sa pangalang POPEYE (hindi nya daw kasi type ka EB nya haha). Wala namang salamin si Popeye the sailor man pero  may salamin yung tinutukoy ko (wala lang para konektado sa tao).

Dahil nga may salamin sa mata si Popeye nagbiro akong sinukat ito at nagulat ako sa pagkakaiba ng meron sa wala. Ang laki ng deperensya! parang sinukat sa akin ang salamin kaya naging malinaw ang paningin ko.

Doon ko nalaman na nanglalabo na pala ang mata ni Istik.

Nagbalik tanaw tuloy ako kung paano nangyaring hindi na pala normal ang paningin ko.

Madalas akong pinapagalitan ni Mama kapag naghihilamos ako bago matulog at pagkagaling sa trabaho. Pero hindi naman ako naniniwala kaya hindi maaring iyon ang dahilan. Madalas din ako magbabad sa computer siguro iyon din ang isa sa mga dahilan.

Hanggang kotongan ko na lang sarili ko para mapagtanto ko na dahil iyon sa kaartehan ko!

Nagkocontact lens kasi ako.

Minsan nga nakatulugan ko ito, at maswerte namang nakadilat pa ako.

Minsan din, umaabot ito ng 14 hours sa mata ko mula umaga hanggang gabi, babatiin lang ako ng makakakita sakin at sasabihing “ang pula ng mata mo istik” sasagot na lang ako “brown kaya contact ko” doon ko lang sya tatanggalin

Hindi ko naman alintala na malabo na pala ang mata ko pag may contact lens ako, parang normal lang kasi kaya late ko na nalaman. Nalaman ko lang talaga noong nakalimutan ko itong isulot at isukat nga ang salamin sa mata ni Popeye.

Bakit ba nag contact lens si Batang Istik?

Simple lang naman e, sabi kasi ng mama ko noong bata pa ako,  ako na daw ang pinaka cute na istik sa buong mundo may maganda daw kasi akong ilong, labi at mga mata.

Ngayong tumatanda na ang batang istik maganda pa rin naman ang ilong, labi at mata ko.. kaso noong pinagsama-sama na parang hindi na, hindi na kasi sila compatible sa isa’t isa. Ang sagwa men!

Pero sa lahat daw ng pisikal na kagandahan sakin.. ito na daw e… yung mata ko, chinito kasi ako, (kaya sabi ko pagandahin natin lalo, ayun nagkontak ako.) Hindi ko na nga mabilang kung ilan na nagtanong sakin kung may lahi daw ako.. minsan sinasabi ko na lang meron. Half Bicolano, Half kapangpangan.. korni no? hahaha… Sayang nga e, kung nagkaroon lang sana ng pagkakataon na pumili ng tao sa magiging nationality nya interms of physical or looks siguro korean na yung pinili ko.. pero depende sa pagiging koreano ha.. yung magandang lalake syempre hindi yung mukhang bogaloids ha, parang K-Pop lang hahaha… bingeul!♫ bingeul!♫ bingeul!♫ bingeul!♫

Sa ngayon, nananalangin na lang si Istik na sana bumalik na sa dati ang mata nito.

Iniwasan ko ng mag contact lens pero ang hapdi-hapdi talaga lalo na kapag nahahanginan.. sa mga susunod na araw baka magsalamin muna ako.

Hindi ba masagwa kapag nagkasalamin si Istik? Teka wala pala akong tenga! Toinks!

***

P.S. Namiss kayo ni Istik